கர்நாடக மாநிலத்தில் அதிக அளவு மழை பெய்து வருவதால் காவிரி கரையோர மக்களுக்கு வெள்ள அபாய எச்சரிக்கை விடப்பட்டுள்ளது.
கர்நாடக மாநிலத்தில் உள்ள முக்கிய அணைகளில் ஒன்று கபினி அணை. பீ்ச்சனஹள்ளி கிராமத்தில் உள்ள இந்த அணையின் நீர்பிடிப்பு பகுதியாக கேரள மாநிலம் வயநாடு மற்றும் கர்நாடக மாநிலம் குடகு மாவட்டம் திகழ்கின்றது. தற்போது வயநாடு மற்றும் குடகு மாவட்டத்தில் தொடர்ந்து கனமழை பெய்து வருவதால், கபினி அணையின் நீர்வரத்து தொடர்ந்து அதிகரித்து கொண்டு வருகின்றது.
இந்த அணையின் நீர்வரத்து 19,632 கன அடியாக உள்ளது. இதனால் தமிழகத்திற்கு 8552 கன அடி நீர் திறந்து விடப்படுகிறது. இதைத் தொடர்ந்து கிருஷ்ணராஜ சாகர் அணையிலிருந்து 2,421 கன அடி தண்ணீர் திறந்து விடப்படுகிறது. இதனால் கபினி அணையின் கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது. மேலும் காவிரி கரையோர மக்களுக்கும் வெள்ள அபாய எச்சரிக்கை விடுக்கப்பட்டுள்ளது.