மனித உரிமைகளை மீறிய குற்றத்திற்காக கியூபா நாட்டின் மீது பொருளாதார தடைகளை விதிக்க வேண்டும் என்று ஐ.நா வின் மனித உரிமை ஆணையர் அறிக்கை ஒன்றை வெளியிட்டுள்ளார்.
கியூபாவில் கொரோனா குறித்த நடவடிக்கைகளை அரசு மேற்கொள்ளும் விதம் மற்றும் உணவு, மருந்து பற்றாக்குறை போன்றவற்றிற்கு எதிர்ப்பு தெரிவிக்கும் விதமாக அந்நாட்டு பொதுமக்கள் போராட்டத்தில் ஈடுபட்டுள்ளார்கள். இதனால் கியூபா அரசாங்கம் சுமார் 150க்கும் மேற்பட்ட போராட்டக்காரர்களை கைது செய்துள்ளது.
அதோடு மட்டுமின்றி காவல்துறையினருக்கும், போராட்டக்காரர்களுக்குமிடையே நடந்த மோதலில் போராட்டக்காரர் ஒருவர் பலியாகியுமுள்ளார். இந்நிலையில் ஐ.நாவின் மனித உரிமை ஆணையர் இதுகுறித்த அறிக்கை ஒன்றை வெளியிட்டுள்ளார்.
அந்த அறிக்கையில் கூறப்பட்டிருப்பதாவது, கியூபாவில் போராடும் பொதுமக்களிடம் அந்நாட்டு அரசாங்கம் அமைதியான முறையில் பேசி அவர்களுடைய கோரிக்கையை நிறைவேற்ற வேண்டும் என்றும், போராட்டக்காரர்கள் கைது செய்யப்படுவது மிகுந்த வேதனையை அளிக்கிறது என்றும் தெரிவிக்கப்பட்டுள்ளது.
மேலும் அந்த அறிக்கையில் கியூபா அரசாங்கம் மனித உரிமைகளை மீறிய குற்றத்திற்காக அந்நாட்டின் மீது பொருளாதார ரீதியாக தடைகளை விதிக்க வேண்டும் என்றும் கூறப்பட்டுள்ளது.