இரண்டு வேன்கள் நேருக்கு நேர் மோதிக் கொண்ட விபத்தில் டிரைவர் படுகாயமடைந்த சம்பவம் பரபரப்பை ஏற்படுத்தியுள்ளது.
கிருஷ்ணகிரி மாவட்டத்தில் உள்ள ஆச்சுபாலம் பகுதியில் டிரைவரான நாகேஷ் என்பவர் வசித்து வந்துள்ளார். இந்நிலையில் நாகேஷ் சுற்றுவட்டார பகுதிகளில் இருந்து பூக்களை வாங்கி விற்பனைக்காக அதனை ஓசூர் மார்க்கெட்டிற்கு சரக்கு வேனில் கொண்டு சென்றுள்ளார். இதனை அடுத்து நாகேஷ் தளி-ஓசூர் சாலையில் சென்று கொண்டிருந்த போது எதிர்பாராதவிதமாக எதிரே வந்த கூரியர் வேன் இவரது சரக்கு வேன் மீது பலமாக மோதி விட்டது.
இந்த விபத்தில் படுகாயமடைந்த நாகேஷை அருகில் உள்ளவர்கள் மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.