மின்சாரம் பாய்ந்து விவசாயி பலியான சம்பவம் சோகத்தை ஏற்படுத்தியுள்ளது.
மதுரை மாவட்டத்திலுள்ள சமயநல்லூர் பகுதியில் செல்லதுரை என்ற விவசாயி வசித்து வந்துள்ளார். இந்நிலையில் செல்லதுரை வயலுக்கு தண்ணீர் பாய்ச்சுதற்காக மின் மோட்டாரை இயக்குவதற்கு சென்றுள்ளார். அப்போது மின்மோட்டார் சுவிட்சை போடும் போது எதிர்பாராதவிதமாக செல்லதுரையின் மீது மின்சாரம் பாய்ந்து விட்டது. இதனால் தூக்கி வீசப்பட்டு படுகாயமடைந்த செல்லதுரை சம்பவ இடத்திலேயே பரிதாபமாக உயிரிழந்து விட்டார்.
இதுகுறித்து தகவல் அறிந்த காவல்துறையினர் அங்கு விரைந்து சென்று அவரது சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.