ரயிலில் அடிபட்ட வாலிபர் தலை நசுங்கி உயிரிழந்த சம்பவம் சோகத்தை ஏற்படுத்தியுள்ளது.
தூத்துக்குடி மாவட்டத்திலுள்ள நாட்டின் புதூர் பகுதியில் இருக்கும் ரயில்வே தண்டவாளத்தில் 30 வயது மதிக்கத்தக்க வாலிபர் ஒருவர் உயிரிழந்து கிடப்பதாக காவல்துறையினருக்கு தகவல் கிடைத்துள்ளது. அந்தத் தகவலின் படி சம்பவ இடத்திற்கு விரைந்து சென்ற காவல்துறையினர் தலை நசுங்கி இறந்து கிடந்த வாலிபரின் உடலை கைப்பற்றி உடற்கூறு ஆய்வுக்காக அரசு மருத்துவமனைக்கு அனுப்பி வைத்துள்ளனர்.
மேலும் இச்சம்பவம் குறித்து வழக்குப்பதிவு செய்த காவல்துறையினர் இறந்த வாலிபர் யார்? அவர் ரயில் தண்டவாளத்தை கடக்கும் போது எதிர்பாராதவிதமாக ரயிலில் அடிபட்டு உயிரிழந்தாரா போன்ற விபரம் குறித்து தீவிர விசாரணை மேற்கொண்டு வருகின்றனர்.