ராமநாதபுரம் மாவட்டத்தில் இருசக்கர வாகனத்தில் இருந்து கீழே விழுந்த மாற்றுத்திறனாளி உயிரிழந்த சம்பவம் அவரது குடும்பத்தினரிடையே சோகத்தை ஏற்படுத்தியுள்ளது.
ராமநாதபுரம் மாவட்டம் ஜமீன்தார்வலசையில் முனீஸ்வரன்(40) என்பவர் வசித்து வந்துள்ளார். மாற்றுத்திறனாளியான இவர் கிழக்கு கடற்கரை சாலையில் உள்ள அரிசி குடோன் லாரி உயிரிமையாளர் சங்கத்தில் கணக்காளராக பணிபுரிந்து வருகின்றார். இந்நிலையில் நேற்று முன்தினம் வழக்கம்போல இருசக்கர வாகனத்தில் வேலைக்கு சென்று கொண்டிருந்துள்ளார். அப்போது டி. பிளாக் பேருந்து நிலையம் அருகில் சென்றுகொண்டிருந்த போது அவரது இருசக்கர வாகனம் திடீரென நிலைதடுமாறி கீழே விழுந்துள்ளது.
இந்த விபத்தில் படுகாயமடைந்த முனீஸ்வரனை அங்கிருந்தவர் மீட்டு மதுரை மருத்துவமனைக்கு அழைத்து சென்றுள்ளனர். ஆனால் துரதிஷ்ட வசமாக செல்லும் வழியிலேயே பரிதாபமாக முனீஸ்வரன் உயிரிழந்துள்ளார். மேலும் இச்சம்பவம் குறித்து முனீஸ்வரனின் தந்தை பால்பாண்டி அளித்த புகாரின் அடிப்படையில் கேணிக்கரை காவல்துறையின் வழக்குப்பதிவு செய்து விசாரணை நடத்தி வருகின்றனர்.