தமிழ்நாடு பிரீமியர் லீக் (டிஎன்பிஎல்) டி20 போட்டி சென்னை சேப்பாக்கம் மைதானத்தில் நாளை முதல் தொடங்குகிறது.
தமிழ்நாடு கிரிக்கெட் சங்கம் சார்பில் டிஎன்பிஎல் டி20 கிரிக்கெட் போட்டி நடத்தப்பட்டு வருகின்றது. கடத்த ஆண்டு கொரோனா தொற்று பாதிப்பு காரணமாக டிஎன்பிஎல் போட்டி ரத்து செய்யப்பட்டது. இந்நிலையில் 5-வது டிஎன்பிஎல் டி20 போட்டி நாளை முதல் சென்னை சேப்பாக்கம் மைதானத்தில் தொடங்குகிறது. மேலும் கொரோனா தொற்று காரணமாக ரசிகர்களுக்கு அனுமதி மறுக்கப்பட்டுள்ளது.
இந்த போட்டி நாளை 19-ஆம் தேதி முதல் தொடங்கி ஆகஸ்ட் 15-ஆம் தேதி வரை நடைபெறுகிறது . இதில் சேப்பாக் சூப்பர் கில்லீஸ், திண்டுக்கல் டிராகன்ஸ், லைகா கோவை கிங்ஸ், சேலம் ஸ்பார்ட்டன்ஸ், ஐடிரீம் திருப்பூர் தமிழன்ஸ், ரூபி திருச்சி வாரியர்ஸ், நெல்லை ராயல் கிங்ஸ், சீசெம் மதுரை பாந்தர்ஸ் உட்பட 8 அணிகள் இடம்பெற்றுள்ளன.இதில் நாளை நடைபெறும் தொடக்க ஆட்டத்தில் கோவை கிங்ஸ்- சேலம் ஸ்பார்ட்டன்ஸ் அணிகள் மோதுகின்றன.