மது பாட்டில்கள் வைத்திருந்த 2 பேர் மீது காவல்துறையினர் வழக்குப்பதிவு செய்து கைது செய்தனர்.
விருதுநகர் மாவட்டத்திலுள்ள அருப்புக்கோட்டை சாலை அருகில் காவல்துறையினர் தீவிர ரோந்து பணியில் ஈடுபட்டு இருந்தனர். அப்போது தென்காசி மாவட்டம் ஊர்மேல் அழகியான் கிராமத்தைச் சேர்ந்த பிரேம்குமார் என்பவர் 10 மது பாட்டில்களுடன் நின்று கொண்டிருப்பதை காவல்துறையினர் கண்டுபிடித்துள்ளனர். இதனையடுத்து அவரிடம் இருந்த மதுபாட்டில்களை காவல்துறையினர் பறிமுதல் செய்ததோடு, பிரேம்குமாரை கைது செய்தனர்.
இதேபோன்று விருதுநகர் புறநகர் காவல்துறையினர் ரோந்து சென்றபோது கே.கே.எஸ்.எஸ்.என். நகர் அருகில் மதுரை மாவட்டம் வில்லூரை சேர்ந்த சுப்பிரமணியன் என்பவர் 3 மது பாட்டில்களுடன் நின்று கொண்டிருப்பதை கண்டுபிடித்துள்ளனர். அதன்பின் அவரிடம் இருந்த 3 மது பாட்டில்களையும், மது விற்ற 550 ரூபாயையும் காவல்துறையினர் பறிமுதல் செய்ததோடு, சுப்பிரமணியனை கைதுசெய்து வழக்குபதிவு செய்துள்ளனர்.