மோட்டார் சைக்கிள் மீது லாரி மோதிய விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
தென்காசி மாவட்டத்திலுள்ள வாசுதேவநல்லூர் பகுதியில் சுரேஷ் என்பவர் வசித்து வந்துள்ளார். இந்நிலையில் வெளிநாட்டில் வேலை பார்த்துக்கொண்டிருந்த சுரேஷ் கடந்த 5 நாட்களுக்கு முன்னர் தான் ஊருக்கு வந்துள்ளார். இதனை அடுத்து சுரேஷ் சொக்கம்பட்டியில் இருக்கும் தனது உறவினர் வீட்டிற்கு சென்றுள்ளார். அதன் பிறகு சுரேஷ் தனது மோட்டார் சைக்கிளில் சிங்கிலிபட்டி பேருந்து நிறுத்தம் அருகில் சென்று கொண்டிருந்த போது எதிரே ஆட்களை ஏற்றிச் சென்ற மினி லாரி இவரின் மீது பலமாக மோதி விட்டது.
இதனால் சம்பவ இடத்திலேயே சுரேஷ் பரிதாபமாக உயிரிழந்து விட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று அவரின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.