பிரிட்டன் இளவரசர் ஹாரி, தன் வாழ்க்கை கதையை ரகசியமாக புத்தகம் எழுதிய நிலையில், அதனை வெளியிடப்போவதாக தகவல் வெளியாகியுள்ளது.
பிரிட்டன் இளவரசர் ஹாரி அரச குடும்பத்தை எதிர்த்து ஏதாவது ஒன்றை செய்து கொண்டு தான் இருக்கிறார். அந்த வகையில் தற்போது தன் வாழ்க்கையில் நடந்தவற்றை புத்தகமாக எழுதியிருக்கிறார். இதனை வரும் 2022 ஆம் வருட கடைசியில் வெளியிடயிருக்கிறார். ஒரு விநியோகஸ்தரிடம் நல்ல விலைக்கு விற்பனையும் செய்துவிட்டார்.
அரச குடும்பத்தைச் சேர்ந்த ஒரு நபர், தன் வாழ்க்கை பற்றிய புத்தகத்தை எழுதி வெளியிடுவது இது தான் முதல் தடவை. புத்தகத்தை வெளியிடும் நிறுவனமான Penguin Random House, இந்த தகவலை தெரிவித்திருக்கிறது. இதுகுறித்து இந்நிறுவனம் தெரிவித்துள்ளதாவது, இளவரசர் ஹாரி முதல் தடவையாக தன் அனுபவங்கள், இழப்புகள் என்று தன் வாழ்க்கை முழுவதையும் சுயசரிதை எழுதியிருக்கிறார் என்று தெரிவித்திருக்கிறது.
இதில் அரச குடும்பத்தை பற்றி எத்தனை குற்றச்சாட்டுகளை குறிப்பிட்டிருப்பாரோ? என்ற அச்சம் ஏற்பட்டுள்ளது. மேலும் தற்போது அரச குடும்பத்துடன் தனக்கு ஏற்பட்ட பிரச்னையை தீர்க்கும் முயற்சியில் ஹாரி ஈடுபட்டு வருவதாக தெரிவிக்கப்பட்டிருந்தது. இந்நிலையில் இவ்வாறு ஒரு புத்தகத்தை வெளியிடுகிறார். அப்போது எப்படி உறவுகளுக்கு இடையேயான பிரச்சனைகளை சரி செய்வார்? என்று அரசு குடும்பத்தின் நிபுணர்கள் கேட்டுள்ளனர்.