வீட்டின் கதவை உடைத்து 1 லட்ச ரூபாய் பணத்தை கொள்ளையடித்து சென்ற மர்மநபர்களை காவல்துறையினர் வலைவீசி தேடி வருகின்றனர்.
திருநெல்வேலி மாவட்டத்திலுள்ள கங்கைகொண்டான் பகுதியில் அனந்தகுமாரி என்பவர் வசித்து வருகிறார். இந்நிலையில் அனந்தகுமாரி வேலைக்கு செல்வதற்கு முன் தனது வீட்டை பூட்டி விட்டு சென்றுள்ளார். இதனையடுத்து அனந்தகுமாரி மாலை வேலை முடிந்து வீட்டிற்கு வந்தபோது தனது வீட்டின் கதவு உடைந்திருப்பதை கண்டு அதிர்ச்சியடைந்தார்.
அதன்பின் அனந்தகுமாரி வீட்டின் உள்ளே சென்று பார்த்த போது பீரோவில் வைத்திருந்த 1 லட்சம் ரூபாயை மர்ம நபர்கள் கொள்ளையடித்து சென்றது அவருக்கு தெரியவந்துள்ளது. இதுகுறித்து அனந்தகுமாரி கங்கைகொண்டான் காவல்நிலையத்தில் புகார் அளித்துள்ளார். அந்தப் புகாரின் பேரில் வழக்குப்பதிவு செய்த காவல்துறையினர் கொள்ளையடித்து சென்ற மர்மநபர்களை வலைவீசி தேடி வருகின்றனர்.