அரசு மணல் குவாரிகளை திறக்க நடவடிக்கை எடுக்குமாறு லாரி உரிமையாளர் சங்கத்தினர் மாவட்ட ஆட்சியரிடம் மனு அளித்துள்ளனர்.
ஈரோடு மாவட்டத்தில் அரசு மணல் குவாரிகளை திறக்க நடவடிக்கை எடுக்குமாறு மணல் லாரி உரிமையாளர் சங்கத்தின் தலைவரான ராஜேந்திரன் தலைமையில் மாவட்ட ஆட்சியரிடம் மனு அளிக்கப்பட்டுள்ளது. அந்த மனுவில் கடந்த 2017-ஆம் ஆண்டுகளுக்கு முன்பு வரை தமிழகத்தில் அதிகளவில் அரசு மணல் குவாரிகள் செயல்பட்டு வந்துள்ளது. இதனால் கட்டுமான பணிகளுக்கு தேவையான மணல்கள் பொதுமக்களுக்கு குறைந்த விலைக்கு கிடைத்துள்ளது.
ஆனால் தற்போது மணல் குவாரிகள் மூடப்பட்டுள்ளதால் ஆற்றிலிருந்து மணல் திருடப்பட்டு ஒரு யூனிட் 20,000 முதல் மக்களுக்கு விற்பனை செய்யப்பட்டு வருகிறது. இதனால் ஏழை எளிய மக்கள் அதிகமாக பாதிக்கப்படுகின்றனர். இதனை தடுக்க தமிழக அரசு மூடப்பட்ட மணல் குவாரிகளை மீண்டும் திறக்க வேண்டும் எனவும், திருச்சி, கரூர் போன்ற மாவட்டங்களில் புதிய மணல் குவாரிகளை அமைக்க வேண்டும் எனவும் அந்த மனுவில் லாரி உரிமையாளர்கள் தெரிவித்துள்ளனர்.