மர்ம நபர்கள் பெண்ணிடம் தங்க நகையை பறித்துச் சென்ற சம்பவம் அதிர்ச்சியை ஏற்படுத்தியுள்ளது.
மதுரை மாவட்டத்திலுள்ள வண்டியூர் பகுதியில் அருண் ராஜ் என்பவர் வசித்து வருகிறார். இவருக்கு சினேகா என்ற மனைவி உள்ளார். இந்நிலையில் சினேகா அருகில் இருக்கும் ஒரு கோவிலுக்கு சென்றுவிட்டு மீண்டும் தனது வீட்டிற்கு நடந்து சென்றுள்ளார். இதனை அடுத்து சினேகாவை மோட்டார் சைக்கிளில் பின்தொடர்ந்து சென்ற மர்ம நபர்கள் அவர் எதிர்பாராத சமயத்தில் திடீரென அவரின் கழுத்தில் இருந்த ஒரு பவுன் தங்க நகையை பறித்து விட்டு அங்கிருந்து தப்பி ஓடிவிட்டனர்.
இதுகுறித்து அண்ணா நகர் காவல் நிலையத்தில் சினேகா புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் பெண்ணிடம் தங்க நகையை பறித்து சென்ற மர்ம நபர்களை வலைவீசி தேடி வருகின்றனர்.