கனடா அரசு தடுப்பூசி போட்டுக் கொண்ட அனைத்து வெளிநாட்டு பயணிகளுக்கும் செப்டம்பர் 7-ஆம் தேதிக்கு பிறகு கட்டுப்பாடுகள் தளர்த்தப்படுவதாக அறிவிப்பு வெளியிட்டுள்ளது.
வருகின்ற ஆகஸ்ட் மாதம் 9-ஆம் தேதி முதல் முழுமையாக தடுப்பூசி போட்டுக் கொண்ட அமெரிக்கர்கள் கனடா வருவதற்கு கட்டுப்பாடுகள் இல்லை என்று தெரிவிக்கப்பட்டுள்ளது. மேலும் கனடா அரசு செப்டம்பர் 7-ஆம் தேதிக்கு பிறகு தடுப்பூசி செலுத்தி கொண்ட அனைத்து வெளிநாட்டு பயணிகளுக்கும் கட்டுப்பாடுகள் தளர்த்தப்படுவதாக அறிவிப்பு வெளியிட்டுள்ளது.
அதோடு மட்டுமில்லாமல் கடந்த 2020-ஆம் ஆண்டு மார்ச் மாதம் முதல் கொரோனா பெருந்தொற்று காரணமாக கனடா அமெரிக்காவுடனான வான்வழி மற்றும் தரைவழி பாதையை மூடிவைத்திருந்தது. இந்நிலையில் கனடா அமெரிக்காவுடனான எல்லையை ஏறத்தாழ ஒன்றரை ஆண்டுகளுக்கு பிறகு மீண்டும் திறக்க உள்ளதாக தகவல் வெளியாகியுள்ளது.