நாடு முழுவதும் கொரோனா பரவலை கட்டுப்படுத்த முழு ஊரடங்கு அமலில் உள்ளது. அதில் பல கட்டுப்பாடுகள் விதிக்கப்பட்டுள்ளதாக மக்கள் அனைவரும் வீட்டிலேயே முடங்கி உள்ளனர். அது மட்டுமல்லாமல் பொருளாதார ரீதியாகவும் பெரிதும் பாதிக்கப்பட்டுள்ளனர். இதற்கு மத்தியில் அத்தியாவசிய பொருட்களின் விலை நாளுக்கு நாள் உயர்ந்து கொண்டே வருகிறது. அதன்படி பெட்ரோல் மற்றும் டீசல் விலை இதுவரை இல்லாத புதிய உச்சத்தை தொட்டுள்ளது. பெரும்பாலான மாநிலங்களில் 100 ரூபாயை கடந்துள்ளது.
இந்நிலையில் ஒன்றிய, மாநில அரசுகள் 21 நாட்களுக்குள் பெட்ரோல் மற்றும் டீசல் விலையை குறைக்காவிட்டால்,தென் மாநிலங்களில் லாரிகள் காலவரையற்ற வேலை நிறுத்த போராட்டம் குறித்து அறிவிக்கப்படும் என லாரி உரிமையாளர்கள் சங்கம் அறிவித்துள்ளது. இதனால் தமிழகம் முழுவதும் முடங்கும் அபாயம் ஏற்பட வாய்ப்புள்ளது. மேலும் லாரி ஸ்ட்ரைக் நடத்தினால் அத்தியாவசியப் பொருட்கள் விலை உயரும் வாய்ப்புள்ளது.