அருள்நிதி நடிப்பில் உருவாகிவரும் தேஜாவு படத்தின் செகண்ட் லுக் போஸ்டர் வெளியாகியுள்ளது.
தமிழ் திரையுலகில் இயக்குனர் பாண்டிராஜ் இயக்கத்தில் வெளியான வம்சம் படத்தின் மூலம் கதாநாயகனாக அறிமுகமானவர் அருள்நிதி . இதை தொடர்ந்து இவர் மௌனகுரு, டிமான்டி காலனி, ஆறாது சினம் போன்ற பல வித்தியாசமான திரைப்படங்களில் நடித்து ரசிகர்களின் கவனத்தை ஈர்த்தார். தற்போது இவர் டி ப்ளாக், டைரி, தேஜாவு ஆகிய திரைப்படங்களை கைவசம் வைத்துள்ளார். இதில் தேஜாவு படத்தை அறிமுக இயக்குனர் அரவிந்த் ஸ்ரீநிவாசன் இயக்கிவருகிறார்.
#Dejavu #தேஜாவு @dirarvindh @MuthaiahG
@GhibranOfficial @editorsiddharth@WCF2021 @Pgmediaworks pic.twitter.com/FYzoZSKkAl— Arulnithi tamilarasu (@arulnithitamil) July 22, 2021
மேலும் இந்த படத்தில் மதுபாலா, ஸ்மிருதி வெங்கட், மைம் கோபி, சேத்தன், காளி வெங்கட் உள்ளிட்ட பலர் முக்கிய கதாபாத்திரங்களில் நடிக்கின்றனர். வைட் கார்பெட் பிலிம்ஸ் மற்றும் பிஜி மீடியா ஒர்க்ஸ் இணைந்து தயாரிக்கும் இந்த படத்திற்கு ஜிப்ரான் இசையமைக்கிறார். தற்போது இந்த படத்தின் இறுதிகட்ட படப்பிடிப்பு விறுவிறுப்பாக நடைபெற்று வருகிறது. ஏற்கனவே இந்த படத்தின் பர்ஸ்ட் லுக் போஸ்டர் வெளியாகி ரசிகர்களை வெகுவாக கவர்ந்தது. இந்நிலையில் தேஜாவு படத்தின் மிரட்டலான செகண்ட் லுக் போஸ்டர் வெளியாகி நல்ல வரவேற்பை பெற்று வருகிறது.