நடிகர் விஜய் நடிப்பில் வெளியான மாஸ்டர் படம் உலகளவில் சாதனை படைத்துள்ளது .
தமிழ் திரையுலகில் முன்னணி கதாநாயகனாக வலம் வரும் விஜய் நடிப்பில் வெளியாகி சூப்பர் ஹிட் அடித்த திரைப்படம் மாஸ்டர். லோகேஷ் கனகராஜ் இயக்கியிருந்த இந்த படத்தில் விஜய் சேதுபதி, மாளவிகா மோகனன், அர்ஜுன் தாஸ், கௌரி கிஷன், ஆண்ட்ரியா உள்ளிட்ட பலர் நடித்திருந்தனர். சேவியர் பிரிட்டோ தயாரித்த இந்த படத்திற்கு அனிருத் இசையமைத்திருந்தார்.
#Master holds 45th Rank in the list of Highest Grossing Film of 2021 Globally. Its the only Indian film to reach the Top 50 spot on worldwide chart. @actorvijay
— Box Office (@Box_Office_BO) July 22, 2021
கடந்த ஜனவரி 13-ஆம் தேதி பொங்கல் பண்டிகையை முன்னிட்டு தியேட்டர்களில் ரிலீஸான மாஸ்டர் படம் வசூலில் மிகப்பெரிய சாதனை படைத்தது. இந்நிலையில் உலகளவில் 2021 ஆம் ஆண்டு வெளியாகி அதிக வசூல் செய்த படங்களில் மாஸ்டர் 45-வது இடத்தைப் பிடித்துள்ளது. மேலும் முதல் 50 இடங்களுக்குள் இடம்பெற்ற ஒரே இந்தியப் படம் மாஸ்டர் தான் என்பது குறிப்பிடத்தக்கது. இதனை சமூக வலைத்தளங்களில் தளபதி ரசிகர்கள் கொண்டாடி வருகின்றனர்.