இதுவரை அமெரிக்காவில் செலுத்தப்பட்ட மொத்த தடுப்பூசிகளின் விவரமானது வெளியிடப்பட்டுள்ளது.
உலக அளவில் கொரோனா வைரஸினால் பாதிக்கப்பட்ட நாடுகளின் வரிசையில் அமெரிக்கா முதலிடத்தில் உள்ளது. இதனால் தடுப்புப் பணிகளை தீவிரமாக மேற்கொள்ள அதிபர் ஜோ பைடன் உத்தரவிட்டுள்ளார். இந்த நிலையில் அமெரிக்க தனியார் நிறுவனங்கள் தயாரித்த பைசர், பயோடெக், ஜான்சன்&ஜான்சன், மாடர்னா தடுப்பூசிகளை மக்கள் செலுத்தி வருகின்றனர்.
இதுவரை அமெரிக்காவில் மொத்தம் 34,03,63,922 தடுப்பூசிகளை செலுத்தியுள்ளதாக அமெரிக்க நோய் தடுப்பு மற்றும் கட்டுப்பாட்டு மையம் தெரிவித்துள்ளது. மேலும் கடந்த ஜூலை 22-ஆம் தேதி வெளியான செய்தி படி போடப்பட்ட தடுப்பூசிகளின் எண்ணிக்கையானது 33,97,63 ,765 ஆகும். இதுவரை 18,75,79,556 பேருக்கு முதல் தவணை தடுப்பூசியும் 16,24,35,276 பேருக்கு இரண்டாவது தவணை தடுப்பூசியும் செலுத்தியுள்ளதாக அமெரிக்க சுகாதார துறை வெளியிட்டுள்ளது.