ஆடி மாதம் முதல் வெள்ளிக்கிழமை என்பதால் மீன் சந்தைகள் வெறிச்சோடி காணப்பட்டன.
சிவகங்கை மாவட்டத்திலுள்ள காரைக்குடி பகுதியில் மீன் சந்தைகள் வாடிக்கையாளர்களின் வருகை இல்லாமல் வெறிச்சோடி காணப்பட்டன. இது குறித்து வியாபாரிகள் கூறும்போது ஆடி மாதத்தின் முதல் வெள்ளிக்கிழமை என்பதால் வாடிக்கையாளர்கள் யாரும் மீன் வாங்க வரவில்லை என்றும், ஆடி மாதத்தில் பெண்கள் விரதத்தை பின்பற்றுவதால் மாதம் முழுவதும் இப்படித்தான் இருக்கும் என்றும் தெரிவித்துள்ளனர்.
மேலும் பெரும்பாலான வியாபாரிகள் சரியாக வியாபாரம் இல்லாததால் சீக்கிரமாக கடையை அடைத்துவிட்டனர். இதனையடுத்து ஒரு சில கடைகள் மட்டுமே மீன்கள் விற்பனை செய்துள்ளன. இதனால் எதிர்பார்த்த அளவிற்கு லாபம் கிடைக்கவில்லை என்று வியாபாரிகள் வருத்தத்துடன் தெரிவித்துள்ளனர்.