வேளாங்கண்ணி அருகே வேன் கவிழ்ந்து விபத்துக்குள்ளானத்தில் குழந்தைகள் உட்பட 11 பேர் படுகாயமடைந்தனர்.
நாகப்பட்டினம் மாவட்டத்தில் உள்ள நாகூர் தர்காவுக்கு கடலூர் மாவட்டத்தை சேர்ந்த 10-க்கும் வேனில் சுற்றுலாவிற்கு வந்துள்ளனர். அவர்கள் நாகூர் தர்காவுக்கு சென்று விட்டு கிழக்கு கடற்கரை சாலை வழியே வேளாங்கண்ணிக்கு சென்று கொண்டிருந்தனர் . அப்போது கருவேலங்கடை அருகே வேன் சென்று கொண்டிருந்தபோது திடீரென்று கட்டுப்பாட்டை இழந்தது. இதனால் தாறுமாறாக ஓடிய வேன் சாலையோரத்தில் இருந்த வாய்க்காலில் கவிழ்ந்து விபத்துக்குள்ளானது.
இதில் வேனில் இருந்தவர்களின் அலறல் சத்தத்தை கேட்ட அங்கிருந்தவர்கள் உடனடியாக போலீசாருக்கு தகவல் கொடுத்தனர்.இந்த விபத்து குறித்து தகவலறிந்த வேளாங்கண்ணி போலீசார் சம்பவ இடத்திற்கு விரைந்து சென்று விபத்துக்குள்ளான வேனில் இடிபாடுகளில் சிக்கிய குழந்தைகள் உட்பட 11 பேரையும் பத்திரமாக மீட்டு நாகை அரசு மருத்துவமனைக்கு அனுப்பி வைத்தனர். அங்கு அவர்களுக்கு சிகிச்சை அளிக்கப்பட்டு வருகிறது. இது குறித்து வழக்குப்பதிவு செய்த போலீசார் விபத்து குறித்து விசாரணை நடத்தி வருகின்றனர்.