இந்தியா -இலங்கை அணிகளுக்கு இடையிலான முதல் டி20 போட்டி இன்று தொடங்குகிறது .
ஷிகர் தவான் தலைமையிலான 2-ம் தர இந்திய அணி இலங்கையில் சுற்றுப்பயணம் மேற்கொண்டு விளையாடி வருகின்றது. இதில் நடந்து முடிந்த 3 போட்டிகள் கொண்ட ஒருநாள் தொடரில் இந்திய அணி 2-1 என்ற கணக்கில் வெற்றி பெற்று தொடரை கைப்பற்றியது. இந்நிலையில் 3 போட்டிகள் கொண்ட டி20 தொடரில் பங்கேற்கிறது. அதன்படி இந்தியா – இலங்கை அணிகளுக்கு இடையிலான முதல் டி20 போட்டி இன்று கொழும்பில் உள்ள பிரேமதாசா மைதானத்தில் நடைபெறுகிறது. இந்த தொடர் டி20 உலகக் கோப்பைக்கு முன்பாக இந்திய அணி விளையாடும் கடைசி டி20 தொடர் என்பதால் இப்போட்டியில் வீரர்களின் செயல்பாடு முக்கியத்துவம் பெறும்.
இதற்கு முன் நடந்த ஒருநாள் தொடரில் முதல் 2 போட்டிகளில் வெற்றி பெற்ற இந்திய அணி, கடைசி போட்டியில் இலங்கையிடம் தோல்வி அடைந்தது. அதேபோல இறுதி ஆட்டத்தில் வெற்றி பெற்ற இலங்கை அணியும் இந்த தொடரில் வெற்றி பெரும் நம்பிக்கையுடன் களமிறங்கும். இன்று நடைபெற உள்ள போட்டியில் தமிழகத்தை சேர்ந்த சுழற்பந்து வீச்சாளர் வருண் சக்ரவர்த்தி அறிமுக வீரராக களம் இறங்குவார் என்று தெரிகிறது. இதுவரை இவ்விரு அணிகளுக்கு இடையே நடந்த டி20 தொடரில் 19 போட்டிகளில் நேருக்கு நேர் மோதியுள்ளன . இதில் 13 போட்டிகளில் இந்தியாவும், 5 போட்டிகளில் இலங்கையும் வெற்றி பெற்றுள்ளது.
இரு அணிகளின் உத்தேச பட்டியல் :