ஆர்யாவின் “சார்பாட்டா பரம்பரை” படக் குழுவினரை திமுக எம்.எல்.ஏ உதயநிதி ஸ்டாலின் பாராட்டியுள்ளார்.
இயக்குனர் பா.ரஞ்சித் இயக்கத்தில் முன்னணி நடிகர் ஆர்யா நடிப்பில் கடந்த சில மாதங்களுக்கு முன்னர் பிரபல ஓடிடி தளத்தில் வெளியாகி தற்போது ரசிகர்கள் மத்தியில் மிகப்பெரிய வரவேற்பை பெற்றுவரும் திரைப்படம் சார்பாட்டா பரம்பரை. இத் திரைப்படத்தை பார்க்கும் திரைப் பிரபலங்கள் பலர் படக்குழுவினருக்கு தங்களது பாராட்டுகளை தெரிவித்து வருகின்றனர்.
இப்படத்தின் கதை 1970களில் நடப்பதுபோல உருவாக்கப்பட்டிருக்கிறது. அதிலும் குறிப்பாக அப்போதைய முதல்வர் கருணாநிதி தலைமையிலான திமுக அரசு எதிர்கொண்ட விதம் ஆகியவற்றை ஆங்காங்கே இணைந்திருந்தனர். இந்நிலையில் தமிழகத்தின் திமுக எம்.எல்.ஏ வும், பிரபல நடிகருமான உதயநிதி ஸ்டாலின் இவற்றை குறிப்பிட்டுள்ள படக்குழுவினருக்கு தனது வாழ்த்துக்களையும், பாராட்டுகளையும் தெரிவித்துள்ளார்.