அமேசான் நிறுவன தலைவருடன் ராக்கெட்டில் 7 நிமிடம் விண்வெளிக்கு பயணம் மேற்கொண்ட ஆலிவர் டேமன் என்பவர் இதுவரை அமேசான் நிறுவனத்திலிருந்து எந்த ஒரு பொருளையும் வாங்கியதில்லை என்று கூறியுள்ளார்.
உலகப் பணக்காரர்களில் ஒருவராகவும், அமேசான் நிறுவனத்தின் தலைவராகவும் ஜெப் பெசோஸ் என்பவர் திகழ்கிறார். இவர் கடந்த 20ஆம் தேதி நியூஸ் ஷெப்பர்ட் என்னும் ராக்கெட்டில் 7 நிமிடம் விண்வெளிக்கு பயணம் செய்துள்ளார். இந்த ராக்கெட்டை அவருடைய புளு ஆர்ஜின் என்னும் நிறுவனம் தயாரித்துள்ளது குறிப்பிடத்தக்கது.
இந்நிலையில் அமேசான் நிறுவன தலைவருடன் ராக்கெட்டில் ஆலிவர் டேமன் என்பவரும் பயணம் செய்துள்ளார். இதனையடுத்து இவர் ராக்கெட்டில் பயணம் செய்து கொண்டிருக்கும் போது அமேசான் நிறுவனத்தில் தான் இதுவரை எந்த ஒரு பொருளையும் வாங்கியதில்லை என்று அந்நிறுவன தலைவரிடம் தெரிவித்துள்ளார்.
இதற்கு அவர் எந்தவிதமான ஆட்சேபனையும் கூறாமல் மிகவும் சாதாரணமாக எடுத்துக் கொண்டுள்ளார். இந்த தகவலை டேமன் பேட்டியில் தெரிவித்துள்ளார்.