நடிகர் கவின் நடித்த லிப்ட் திரைப்படம் ஓடிடி தளத்தில் வெளியாகாது என்பதை லிப்ரா தயாரிப்பு நிறுவனம் தெரிவித்துள்ளது.
விஜய் டிவி தொலைக்காட்சியின் மூலம் பிக்பாஸ் நிகழ்ச்சியில் பிரபலமானவர் நடிகர் கவின். இவர் வினித் வரபிரசாத் இயக்கத்தில் லிப்ட் என்ற திரைப்படத்தில் நடித்துள்ளார். இந்த படத்தில் கவினுக்கு ஜோடியாக நடிகை அம்ரிதா ஐயர் நடித்துள்ளார்.இந்த படமானது கொரோனா காரணமாக ஓடிடி தளத்தில் வெளியிடப்படும் என்று தகவல்கள் வெளியாகியுள்ளன.
இந்த நிலையில் இந்த படத்தின் வெளியீடு குறித்து லிப்ரா புரொடக்ஷன் நிறுவனம் தகவல் ஒன்றை வெளியிட்டுள்ளது. அதில் கொரோனா பரவலின் காரணமாக படம் வெளியாவதில் தாமதமாகியுள்ளது. மேலும் திரையரங்குகள் திறக்கப்பட்ட பின்பு 100% இருக்கைகளுடன் இயங்க அனுமதி கிடைத்த பின்பு தான் படம் வெளியிடப்படும். மேலும் படம் ஓடிடி தளத்தில் வெளியாகும் என்பது முற்றிலும் உண்மை இல்லை எனக் கூறியுள்ளனர்.