கடும் வெள்ளத்தில் மிதக்கும் மருத்துவமனைகள்.. தத்தளிக்கும் லண்டன்.. நோயாளிகள் அவதி..!!

இங்கிலாந்தின் தெற்குப்பகுதிகளில் இடி மின்னல் மற்றும் புயலும் உருவாகி லண்டன் முழுவதும் வெள்ளம் பெருக்கெடுத்து ஓடுகிறது.

லண்டன் முழுக்க தெருக்கள் மற்றும் சுரங்க ரயில் பாதைகளில் வெள்ளம் பெருகி சாக்கடைகள் நிரம்பி வழிகிறது. இதுமட்டுமல்லாமல் சில மருத்துவமனைகளிலும் வெள்ளம் புகுந்ததால் மின்வெட்டு ஏற்பட்டு ஜெனரேட்டர்களும் செயல்படவில்லை. இதனால் தீவிர சிகிச்சை பிரிவில் அனுமதிக்கப்பட வரும் நோயாளிகள் பிற மருத்துவமனைகளை நாடுமாறு கேட்டுக்கொள்ளப்பட்டுள்ளது.

ஞாயிற்றுக்கிழமை அன்று இங்கிலாந்தின் தெற்குப் பகுதிகளில், ஒரு மணி நேரத்தில் மட்டும் 50 மில்லி லிட்டர் மழை பொழிந்துள்ளது. இதனால் பல்வேறு பகுதிகள் கடும் பாதிப்படைந்திருக்கின்றன. இந்நிலையில் வானிலை ஆய்வு மையத்தால், லண்டன் உட்பட சில பகுதிகளில் புயல் குறித்த ஆம்பர் எச்சரிக்கை விடுக்கப்பட்டிருக்கிறது.