ராமநாதபுரத்தில் கொரோனா தாக்கம் குறைந்து வரும் நிலையில் டெங்கு காய்ச்சல் பரவுவது பொதுமக்களிடையே சற்று அச்சத்தை ஏற்படுத்தியுள்ளது.
ராமநாதபுரம் மாவட்டத்தில் கொரோனா 2ஆம் அலை பெரிதும் பாதிக்கப்பட்டு அதன் தாக்கம் தற்போது குறைந்து வரும் நிலையில் மீண்டும் ஒரு பதிப்பாக டெங்கு பரவி வருகின்றது. இதனால் பொதுமக்கள் அச்சத்தில் உள்ளனர். இந்நிலையில் டெங்கு காய்ச்சல் அதிகளவில் குழந்தைகளை பாதிப்பதால் மிகவும் பாதுகாப்பாக இருக்குமாறு சுகாதார துறையினர் தெரிவித்துள்ளனர்.
இதனையடுத்து மாவட்டத்தில் ஏற்கனவே 10 பேர் டெங்கு காய்ச்சலுக்கு பாதிப்படைந்துள்ளனர். இதனைதொடந்து நேற்று பாம்பன் பிரான்சிஸ் நகரில் உள்ள 7 வயது சிறுமிக்கு மற்றும் ஏ.மணக்குடியை சேர்ந்த 32 வயது நபருக்கும் டெங்கு காய்ச்சல் உறுதி செய்யப்பட்டுள்ளது. மேலும் மருத்துவர்கள் தீவிர சிகிச்சை மேற்கொண்டு வருகின்றனர்.