மணிரத்னம் இயக்கத்தில் உருவாகி வரும் பொன்னியின் செல்வன் படத்தின் படப்பிடிப்பு தள புகைப்படம் இணையத்தில் கசிந்துள்ளது.
தமிழ் திரையுலகில் முன்னணி இயக்குனராக வலம் வரும் மணிரத்தினம் இயக்கத்தில் பிரம்மாண்டமாக உருவாகி வரும் திரைப்படம் பொன்னியின் செல்வன் . இரு பாகங்களாக தயாராகி வரும் இந்த படத்தில் விக்ரம், கார்த்தி, ஜெயம் ரவி, திரிஷா, பிரபு, பிரகாஷ் ராஜ், அமிதாப் பச்சன், ஐஸ்வர்யா ராய் உட்பட பலர் நடிக்கின்றனர். இந்த படத்திற்கு இசையமைப்பாளர் ஏ.ஆர்.ரஹ்மான் இசையமைக்கிறார்.
அடுத்த ஆண்டு இந்த படத்தின் முதல் பாகம் வெளியாக உள்ளது. தற்போது இந்த படத்தின் படப்பிடிப்பு மிக விறுவிறுப்பாக நடைபெற்று வருகிறது. இந்நிலையில் புதுச்சேரியில் நடைபெற்றுவரும் பொன்னியின் செல்வன் படப்பிடிப்பு தள புகைப்படங்கள் லீக்காகி இணையத்தில் வைரலாகி வருகிறது. இதனால் படக்குழுவினர் அதிர்ச்சியடைந்துள்ளனர்.