கொரோனா தொடர்பான நடவடிக்கைகள் மற்றும் வழிமுறைகளை ஆகஸ்ட் 31-ஆம் தேதி மத்திய அரசு உத்தரவிட்டுள்ளது.
இந்தியாவில் ஒவ்வொரு நாளும் தீவிரமாக பரவி வந்த கொரோனா தொற்றின் இரண்டாம் அலை தற்போது படிப்படியாக குறைந்து கொண்டு வருகின்றது. இதன் காரணமாக பல மாநிலங்களில் ஊரடங்கு தளர்வு அறிவிக்கப்பட்டு வருகின்றது. தளர்வு அறிவிக்கப்பட்ட காரணத்தினால் மக்கள் பொது இடங்களில் கூட்டம் கூட்டமா சென்று வருகின்றனர். அதுமட்டுமில்லாமல் மலைப்பிரதேசங்களில் சுற்றுலா செல்பவர்கள் கூட்டமாக செல்வதால் மீண்டும் தொற்று ஏற்படும் அபாயம் உள்ளது.
இதனால் மக்கள் சமூக இடைவெளியை கடைபிடித்து கொரோனா விதிமுறைகளை பின்பற்ற வேண்டும் என்று மத்திய அரசு கேட்டுக்கொண்டுள்ளது. மேலும் கொரோனா தொடர்பான நடவடிக்கைகள் மற்றும் வழிமுறைகளை ஆகஸ்ட் 31-ஆம் தேதி வரை உத்தர விட்டுள்ளது, அதன்படி, கட்டுப் பாடுகளுடன் கூடிய ஊரடங்கு ஆகஸ்ட் 31-ஆம் தேதி வரை நீட்டிக்கப்படுகிறது. மேலும் பாதிப்பு அதிகரிக்கும் மாவட்டங்கள் கடும் கட்டுப்பாடுகளுடன் தடுப்பு நடவடிக்கைகளை மேற்கொள்ள அனைத்து மாநில அரசுகளுக்கும் அறிவுறுத்தப்பட்டுள்ளது.