தொடர்ச்சியாக செத்து மடியும் தவளைகளால் ஆஸ்திரேலியா மக்கள் அதிர்ச்சியில் உள்ளனர்.
ஆஸ்திரேலியா நாட்டில் உள்ள கிழக்கு விக்டோரியா நியூ சவுத் வேல்ஸ் மற்றும் குயின்ஸ்லாந்து ஆகிய பகுதிகளில் தொடர்ச்சியாக சில வாரங்களாகவே இறந்த தவளைகள் அதிக அளவில் காணப்படுகிறது. இதனை கண்டு அந்நாட்டு மக்கள் அதிர்ச்சி அடைந்துள்ளனர். அங்கு தோரயமாக 242 வகை தவளைகள் இனங்கள் இருகின்றது. அதில் 35 தவளை இனங்கள் அழிந்து போகும் நிலையில் உள்ளதாகவும் மேலும் அதில் நான்கு இனங்கள் முற்றிலும் அழிந்து விட்டதாகவும் கூறப்படுகிறது.
இது குறித்து ஆஸ்திரேலிய நாட்டு மக்கள் கூறுயதாவது “எங்களுடைய பகுதிகளில் இறந்த தவளைகளை காண்பது மிகவும் கடினம் ஆகும். ஆனால் கடந்த சில வாரங்களாகவே தொடர்ச்சியாக எங்களுடைய பகுதிகளில் இறந்த தவளைகளின் எண்ணிக்கை அதிகரிப்பதை பார்க்கும் போது எங்களுக்கு மிகவும் அச்சமாக இருக்கின்றது” எனக் கூறியுள்ளனர். மேலும் உயிர் கொல்லும் பூஞ்சைகளால் பாதிக்கப்பட்டு தவளைகள் இறந்திருக்குமோ என்ற எண்ணமும் அந்நாட்டு மக்களிடையே தற்போது எழும்பியுள்ளது. ஆனால் சமீப வாரங்கள் மட்டும் தவளைகள் இறப்பதற்கு பூஞ்சைகள் காரணமாக இருக்குமா என்ற கேள்வியும் எழும்பியுள்ளது. இது தொடர்பாக நிபுணர்கள் தீவிர ஆய்வில் ஈடுபட்டுள்ளதாக தகவல்கள் வெளியாகியுள்ளது.