விவசாய நிலத்தில் திடிரென ஏற்பட்ட பள்ளத்தால் அங்கு பரபரப்பு ஏற்பட்டுள்ளது.
சேலம் மாவட்டத்திலுள்ள கிளாக்காடு பகுதியில் விவசாயியான துரைசாமி என்பவர் தனது குடும்பத்துடன் வசித்து வருகின்றார். இந்நிலையில் துரைசாமி டிராக்டர் மூலம் தனது நிலத்தை உழுது கொண்டிருந்தபோது திடீரென அங்கு பள்ளம் ஏற்பட்டுள்ளது. இதனால் துரைசாமி உடனடியாக டிராக்டரை நிறுத்திவிட்டு அந்தப் பள்ளத்தை பார்த்து அதிர்ச்சி அடைந்துள்ளார். அந்தப் பள்ளமானது 1.5 அடி அகலத்திற்கு பத்தடி ஆழத்திற்கு மேலாக இருந்துள்ளது. இதனால் துரைசாமி உடனடியாக வருவாய்த்துறை அதிகாரிகளுக்கு தகவல் தெரிவித்துள்ளார்.
அந்தத் தகவலின்படி வருவாய்த்துறை அதிகாரிகள் சம்பவ இடத்திற்கு விரைந்து சென்று அந்தப் பள்ளத்தை பார்த்துள்ளனர். அதன் பிறகு அதிகாரிகள் அந்த பள்ளத்தை சுற்றிலும் பத்தடி தூரத்திற்கு தற்காலிகமாக வேலிஅமைத்து அங்கு யாரும் செல்ல முடியாதபடி காவல் துறையினர் பாதுகாப்பு பணியில் ஈடுபட்டுள்ளனர். இதனையடுத்து அதிகாரிகள் தொல்லியல் துறையை ஆய்வாளர்களுக்கு தகவல் தெரிவித்து உள்ளோம் என்றும், அவர்கள் வந்த பிறகுதான் இது என்னவென்று தெரியும் என்று கூறியுள்ளனர். இந்த பள்ளத்தை அப்பகுதியில் வசிக்கும் பொதுமக்கள் ஆச்சரியத்துடன் சென்று பார்த்து வருகின்றனர் .