KGF இரண்டாவது பாகம் பிரம்மாண்டமாக உருவாகியுள்ள நிலையில் அதன் வெளியீட்டு தேதி அறிவிக்கப்படாமல் இருப்பது ரசிகர்களுக்கு ஏமாற்றத்தை தந்துள்ளது.
கன்னட படங்களில் மிகப்பெரிய வெற்றியையும் மக்களிடையே வரவேற்பையும் பெற்றது KGF திரைப்படம். இதில் கன்னட திரையுலகின் பிரபல நடிகர் யாஸ் சோப்ரா நடித்துள்ளார். இந்த படத்தின் முதல் பாகத்தின் வரவேற்பை தொடர்ந்து இரண்டாம் பாகமும் எடுக்கப்பட்டுள்ளது. இந்த இரண்டாவது பாகத்தில் கன்னட நடிகர் யாஸ் சோப்ராவுடன் ஸ்ரீநிதி செட்டி, ரவீனா டாண்டன், பிரகாஷ்ராஜ் மற்றும் சஞ்சய் தத் உள்ளிட்ட முக்கிய நட்சத்திரங்கள் நடித்துள்ளனர். இதனை அடுத்து கொரோனா ஊரடங்கு காரணமாக படத்தின் வெளியீட்டு தேதி ஒத்தி வைக்கப்பட்டுள்ளது.
இதனை தொடர்ந்து படமானது கிறிஸ்துமஸ் அன்று வெளியாகும் என்று எதிர்ப்பார்க்கப்பட்டது. இந்த நிலையில் படத்தின் தேதியை நடிகர் சஞ்சய் தத் பிறந்தநாளன்று படக்குழு வெளியிடும் என்று தகவல்கள் கூறப்பட்டது. ஆனால் அவரின் பிறந்த நாளான இன்று படத்தின் வெளியீட்டு தேதி அறிவிக்கப்படாமல் சஞ்சய் தத்தின் லுக் மட்டுமே வெளிவந்துள்ளது. இதனால் ரசிகர்கள் மிகவும் ஏமாற்றம் அடைந்துள்ளனர். மேலும் படத்தின் வெளியீட்டு தேதி விரைவில் வெளியிடப்படும் என்று ரசிகர்கள் ஆவலுடன் காத்துக் கொண்டிருக்கின்றனர்.