நடிகர் அருள்நிதி நடிப்பில் உருவாகி வரும் தேஜாவு படத்தின் படப்பிடிப்பு நிறைவடைந்துள்ளதாக தகவல் வெளியாகியுள்ளது.
தமிழ் திரையுலகில் கடந்த 2010-ஆம் ஆண்டு பாண்டிராஜ் இயக்கத்தில் வெளியான வம்சம் படத்தில் கதாநாயகனாக அறிமுகமானவர் அருள்நிதி. இதை தொடர்ந்து இவர் மௌனகுரு, பிருந்தாவனம், டிமான்டி காலனி, ஆறாது சினம் போன்ற வித்தியாசமான படங்களில் நடித்து ரசிகர்களின் கவனத்தை ஈர்த்தார். தற்போது இவர் டைரி, தேஜாவு, டி பிளாக் ஆகிய படங்களை கைவசம் வைத்துள்ளார். இதில் தேஜாவு படத்தை அறிமுக இயக்குனர் அரவிந்த் ஸ்ரீநிவாசன் இயக்கியுள்ளார். இந்த படத்தில் மதுபாலா, ஸ்மிருதி வெங்கட், ராகவ் விஜய், சேத்தன், அச்சுத்குமார், காளி வெங்கட் உள்ளிட்ட பலர் முக்கிய கதாபாத்திரங்களில் நடிக்கின்றனர்.
வைட் கார்பெட் பிலிம்ஸ் மற்றும் பி.ஜி மீடியா வொர்க்ஸ் இணைந்து தயாரிக்கும் இந்த படத்திற்கு ஜிப்ரான் இசையமைக்கிறார். சமீபத்தில் இந்த படத்தின் பர்ஸ்ட் லுக் போஸ்டர் வெளியாகி நல்ல வரவேற்பை பெற்றது. இந்நிலையில் தேஜாவு படத்தின் படப்பிடிப்புகள் நிறைவடைந்துள்ளதாக தகவல் வெளியாகியுள்ளது. இதை தொடர்ந்து இந்த படத்தின் இறுதிகட்ட பணிகள் நடைபெற உள்ளது. விரைவில் இந்த படத்தின் அடுத்தடுத்த அப்டேட்டுகள் வெளியாகும் என எதிர்பார்க்கப்படுகிறது.