மிஷ்கின் இயக்கத்தில் உருவாகி வரும் பிசாசு- 2 படத்தின் பர்ஸ்ட் லுக் ரிலீஸ் தேதி அறிவிக்கப்பட்டுள்ளது.
தமிழ் திரையுலகில் சித்திரம் பேசுதடி, யுத்தம் செய், துப்பறிவாளன், சைக்கோ போன்ற வித்தியாசமான படங்களை இயக்கி பிரபலமடைந்தவர் மிஷ்கின். இவர் இயக்கத்தில் கடந்த 2014-ஆம் ஆண்டு வெளியான திகில் படமான பிசாசு திரைப்படம் சூப்பர் ஹிட் அடித்தது. தற்போது இந்த படத்தின் இரண்டாம் பாகம் உருவாகி வருகிறது. மிஷ்கின் இயக்கும் இந்த படத்தில் ஆண்ட்ரியா முதன்மை கதாபாத்திரத்தில் நடித்து வருகிறார்.
A Humble beginning.
First look of #Pisasu2 shall be launched on 3rd August at 6.00 PM#Pisasu2FirstLook@Rockfortent @andrea_jeremiah @Lv_Sri @kbsriram16 @APVMaran #KarthikRaja @teamaimpr @PRO_Priya pic.twitter.com/qxoDFg89wf
— Mysskin (@DirectorMysskin) July 29, 2021
மேலும் விஜய் சேதுபதி, பூர்ணா, நமீதா கிருஷ்ணமூர்த்தி உள்ளிட்ட பலர் முக்கிய கதாபாத்திரங்களில் நடிக்கின்றனர். இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது. இந்நிலையில் பிசாசு-2 படத்தின் பர்ஸ்ட் லுக் ரிலீஸ் தேதி அறிவிக்கப்பட்டுள்ளது. அதன்படி வருகிற ஆகஸ்ட் 3-ஆம் தேதி மாலை 6 மணிக்கு இந்த படத்தின் பர்ஸ்ட் லுக் போஸ்டர் வெளியாக உள்ளது.