இந்தியாவின் மிகப் பெரிய தனியார் துறை வங்கிகளில் ஒன்றான ஹெச்டிஎஃப்சி பேங்க், தனது வாடிக்கையாளர்களுக்கு ஏடிஎம் கார்டு இல்லாமலேயே பணம் எடுக்கும் வசதியை வழங்குகிறது. ஹெச்டிஎஃப்சி வங்கி ஏடிஎம்களில் கார்டு இல்லாமல் எடுப்பதற்கு ஒரு நாளில் குறைந்தபட்சம் 100 ரூபாய் முதல் அதிகபட்சம் ரூ.10,000 வரையில் எடுக்கலாம். அதே நேரம் ஒரு மாதத்தில் ரூ.25,000க்கு மேல் எடுக்க முடியாது. அதற்குக் கட்டுப்பாடு விதிக்கப்பட்டுள்ளது.
ஏடிஎம் கார்டு இல்லாமல் பணம் எடுப்பதற்கு ஹெச்டிஎஃப்சி வங்கியின் நெட் பேங்கிங் வசதியில் சென்று பதிவு செய்யவேண்டும். முதலில் பெனிஃபிசரி பெயரை இணைக்க வேண்டும். Fund Transfer -> Request -> Add a Benificiary -> cardless cash withdrawal என்று கிளிக் செய்ய வேண்டும். அதில் பெனிஃபிசரி விவரங்களைப் பதிவிட்டு Add and Confirm கொடுக்க வேண்டும். மொபைல் நம்பருக்கு வரும் ஓடிபியைப் பதிவிட்டு உறுதி செய்ய வேண்டும்.
மீண்டும் நெட் பேங்கிங் வசதியில் சென்று Fund Transfer வசதியில் Cardless cash withdrawal என்பதில் Debit card account செலெக்ட் செய்ய வேண்டும். பின்னர் நீங்கள் பதிவுசெய்த பெனிஃபிசரியை தேர்வு செய்ய வேண்டும். பின்னர் எவ்வளவு பணம் எடுக்க வேண்டும் என்பதைக் குறிப்பிட்டு Continue and Confirm கொடுக்க வேண்டும். மொபைல் நம்பருக்கு வரும் ஓடிபி எண்ணைப் பதிவிட வேண்டும். இப்போது பெனிஃபிசரியின் மொபைல் நம்பருக்கு ஒரு ஓடிபி நம்பரும் 9 இலக்க ஆர்டர் நம்பரும் அனுப்பப்படும்.
இப்போது பணத்தை எடுக்கும் நபர் ஏடிஎம் மையத்துக்குச் சென்று ஏடிஎம் ஸ்கிரீனில் உள்ள Cardless cash withdrawal என்ற வசதியில் செல்ல வேண்டும். மொழியைத் தேர்ந்தெடுத்த பின்னர் ஓடிபி நம்பரையும் ஆர்டர் நம்பரையும் பதிவிட வேண்டும். எடுக்க வேண்டிய தொகையையும் குறிப்பிட்டால் பணம் கைக்கு கிடைக்கும்.