ஓடிடி தளத்தில் நடிகை ஐஸ்வர்யா ராஜேஷின் பூமிகா திரைப்படமானது வெளியாக உள்ளதாக அதிகாரப்பூர்வ தகவல்கள் கிடைத்துள்ளன.
தமிழ் சினிமாவில் ஐஸ்வர்யா ராஜேஷ் முன்னணி நடிகையாக வலம் வருகிறார். இவர் ‘திட்டம் 2’ என்ற திரைப்படத்தில் நடித்துள்ளார். இந்த படமானது ரசிகர்களிடையே பெரும் வரவேற்பை பெற்றுள்ளது. இதனை அடுத்து படமானது ஓடிடி தளத்தில் வெளியாகும் என தகவல்கள் வந்துள்ளன. இதனை தொடர்ந்து ‘பூமிகா’ என்ற திரைப்படத்தில் நடித்துள்ளார். இதில் ஐஸ்வர்யா ராஜேஷ் மனநல மருத்துவராக நடித்திருக்கிறார்.
இந்த திரைப்படத்தை ‘இது வேதாளம் சொல்லும் கதை’ படத்தின் இயக்குனர் ரதீந்திரன் ஆர். பிரசாத் இயக்கியுள்ளார். இதனை ஸ்டோன் பெஞ்ச் நிறுவனம் சார்பில் கார்த்திக் சுப்புராஜ் மற்றும் சுதன் தயாரித்துள்ளனர். மேலும் இந்த திரைப்படமானது வரும் ஆகஸ்ட் 22 ஆம் தேதி நேரடியாக தொலைக்காட்சியிலும் ஓடிடி தளத்தில் 23ஆம் தேதியும் வெளியாவதாக தகவல்கள் கிடைத்துள்ளன.