டிஎன்பிஎல் டி20 போட்டியில் இரவு நடைபெற உள்ள ஆட்டத்தில் திருப்பூர் தமிழன்ஸ் – மதுரை பாந்தர்ஸ் அணிகள் மோதுகின்றன .
5-வது சீசன் டிஎன்பிஎல் டி20 போட்டி சென்னை சேப்பாக்கத்தில் உள்ள எம்.ஏ சிதம்பரம் மைதானத்தில் நடைபெற்று வருகிறது. இதில் இன்று இரவு நடைபெற உள்ள 20-வது லீக் ஆட்டத்தில் திருப்பூர் தமிழன்ஸ் – மதுரை பாந்தர்ஸ் அணிகள் பலப்பரீட்சை நடத்துகின்றன. இதுவரை நடந்த போட்டியில் திருப்பூர் அணி 2 வெற்றி ,2 தோல்வி என 5-புள்ளிகளைப் பெற்று தரவரிசையில் 5-வது இடத்தில் உள்ளது.
இதைத் தொடர்ந்து மதுரை அணி ஒரு வெற்றி 2 தோல்வி என 3-புள்ளிகளைப் பெற்று தரவரிசையில் 6-வது இடத்தை பிடித்துள்ளது. இதனால் இன்று நடைபெற உள்ள போட்டியில் இரு அணிகளும் வெற்றி பெற கடுமையாக போராடும் என எதிர்பார்க்கப்படுகிறது.