“ஐயோ இப்படி பண்ணிட்டாங்களே” மர்ம நபர்கள் கைவரிசை…. வலைவீசி தேடும் காவல்துறையினர்….!!

வீட்டின் பின்பக்க கதவை உடைத்து மர்ம நபர்கள் நகை மற்றும் பணத்தை கொள்ளையடித்து சென்றுள்ளனர்.

தஞ்சாவூர் மாவட்டத்திலுள்ள  சின்னமங்குடி பகுதியில் குழந்தைசாமி என்பவர் வசித்து வருகின்றார். இவர் வெளிநாட்டில் வேலை பார்த்து வருகிறார். இவருக்கு சரண்யா என்ற மனைவி இருக்கிறார். இந்த தம்பதிகளுக்கு இரண்டு குழந்தைகள் இருக்கின்றனர். இந்நிலையில் சரண்யா தனது 2 குழந்தைகளுடன் மாமியார் வீட்டில் வசித்து வந்துள்ளார். இதனையடுத்து சரண்யா வீட்டில் தனது மாமியார் மற்றும் குழந்தைகளுடன் முன் வாசலில் தூங்கிக் கொண்டிருந்தார்.

அப்போது மர்ம நபர்கள் வீட்டின் பின்பக்க கதவை உடைத்து 12 பவுன் தங்க நகை மற்றும் 2,500 ரூபாய் பணத்தை திருடி சென்றுள்ளனர். இதுகுறித்து சரண்யா திருவோணம் காவல் நிலையத்தில் புகார் அளித்துள்ளார். அந்தப் புகாரின் பேரில் காவல்துறையினர் சரண்யாவின் வீட்டிற்கு சென்று கைரேகை நிபுணர்கள் மற்றும் மோப்ப நாய்கள் மூலம் தடயங்களை சேகரித்துள்ளனர். இது குறித்து வழக்குப்பதிவு செய்த காவல்துறையினர் நகை மற்றும் பணத்தை கொள்ளையடித்துச் சென்ற மர்ம நபர்களை வலைவீசி தேடி வருகின்றனர்.