அரசு மற்றும் தனியார் தொழிற்பயிற்சி நிலைய 2021-ஆம் ஆண்டுக்கான மாணவர் சேர்க்கை ஆன்லைன் மூலம் நடைபெற்று வருகின்றது.
தஞ்சாவூர் மாவட்டத்திலுள்ள ஓரத்தநாடு, திருவையாறு உள்ளிட்ட பகுதிகளில் செயல்பட்டு வரும் அரசு மற்றும் தனியார் தொழிற்பயிற்சி நிலையங்களில் 2021 -ஆம் ஆண்டுக்கான மாணவர் சேர்க்கை ஆன்லைன் மூலம் நடைபெற்று வருகின்றது. மேலும் மாணவர்கள் www.skilltraning.tn.gov.in என்ற இணையதளம் மூலம் விண்ணப்பிக்கலாம் என தஞ்சை மாவட்ட தொழிற்பயிற்சி நிலைய முதல்வரான சீராளன் தெரிவித்துள்ளார்.
இதற்கு விண்ணப்பிக்கும் கடைசி நாள் 4-ஆம் தேதி ஆகும். இதனையடுத்து விண்ணப்பதாரர்கள் ரூபாய் 50 விண்ணப்பக் கட்டணம் செலுத்தி விண்ணப்பிக்கலாம். மேலும் மாணவர்களின் மதிப்பெண் அடிப்படையில் கலந்தாய்வு பட்டியல் விரைவில் இணையதளத்தில் வெளியிடப்படும் என்பதையும் சீராளன் தெரிவித்துள்ளார்.