திண்டுக்கல் அணிக்கு எதிரான ஆட்டத்தில் 5 விக்கெட் வித்தியாசத்தில் நெல்லை ராயல் கிங்ஸ் அணி வெற்றி பெற்றுள்ளது .
5-வது சீசன் டிஎன்பிஎல் டி20 போட்டியில் 21- வது ஆட்டம் நேற்று நடைபெற்றது . இதில் நெல்லை ராயல் கிங்ஸ் – திண்டுக்கல் டிராகன்ஸ் அணிகள் பலப்பரீட்சை நடத்தின .இதில் டாஸ் வென்ற நெல்லை அணி பந்துவீச்சை தேர்வு செய்தது .அதன்படி முதலில் பேட்டிங் செய்த திண்டுக்கல் அணி 20 ஓவர் முடிவில் 5 விக்கெட் இழப்புக்கு 148 ரன்கள் குவித்தது .இதில் அதிகபட்சமாக ராஜாமணி சீனிவாசன் 60 ரன்கள் எடுத்தார். நெல்லை அணி தரப்பில் அதிசயராஜ் 2 விக்கெட்டும் ,ஹரிஷ், திரிலோக் நாக் மற்றும் சஞ்சய் யாதவ் ஆகியோர் தலா 1 விக்கெட்டும் கைப்பற்றினர் .
இதன் பிறகு களமிறங்கிய நெல்லை அணி 149 ரன்களை வெற்றி இலக்காக கொண்டு விளையாடியது. இதில் தொடக்க வீரரான பாபா அபராஜித் சிறப்பாக விளையாடி 44 ரன்களில் ஆட்டமிழந்தார். இறுதியாக நெல்லை அணி 5 விக்கெட் வித்தியாசத்தில் வெற்றி பெற்றது. இதன் மூலம் நெல்லை அணி தனது 2-வது வெற்றியை பதிவு செய்தது.