டிஎன்பிஎல் டி20 போட்டியில் இன்று நடைபெறவுள்ள 22-வது லீக் ஆட்டத்தில் சேப்பாக் சூப்பர் கில்லீஸ்-மதுரை பாந்தர்ஸ் அணிகள் மோதுகின்றன .
5-வது சீசன் டிஎன்பிஎல் டி20 போட்டி சென்னை சேப்பாக்கத்தில் உள்ள எம். ஏ. சிதம்பரம் மைதானத்தில் நடைபெற்று வருகிறது. இதில் 17-வது நாளான இன்று சேப்பாக் சூப்பர் கில்லீஸ்-மதுரை பாந்தர்ஸ் அணிகள் பலப்பரீட்சை நடத்துகின்றன. இதுவரை நடந்த போட்டிகளில் சேப்பாக் அணி 2 வெற்றி ,ஒரு தோல்வி ,ஒரு போட்டியில் முடிவு இல்லை என 5 புள்ளிகளுடன் தரவரிசைப் பட்டியலில் 4-வது இடத்தைப் பிடித்துள்ளது .
இதையடுத்து மதுரை அணி 2 வெற்றி, 2 தோல்வி ஒரு முடிவு இல்லை என 5 புள்ளிகளைப் பெற்று தரவரிசையில் 3-வது இடத்தில் உள்ளது. கடைசி இரண்டு போட்டிகளில் வெற்றி பெற்ற சேப்பாக் அணி இன்றைய போட்டியிலும் ஹாட்ரிக் வெற்றியை பெறும் ஆர்வத்தில் உள்ளது . இந்தப் போட்டியில் இன்று இரவு 7.30 மணிக்கு நடைபெறுகிறது