விஷால்-31 படத்தின் இறுதிகட்ட படப்பிடிப்பு இன்று தொடங்கப்பட்டுள்ளதாக தகவல் வெளியாகியுள்ளது.
தமிழ் திரையுலகில் முன்னணி நடிகராக வலம் வரும் விஷால் எனிமி, துப்பறிவாளன் -2 போன்ற படங்களை கைவசம் வைத்துள்ளார். இதில் எனிமி படம் படப்பிடிப்புகள் நிறைவடைந்து ரிலீஸுக்கு தயாராகி வருகிறது. தற்போது விஷால் அறிமுக இயக்குனர் து.பா.சரவணன் இயக்கத்தில் உருவாகி வரும் ‘விஷால்-31’ படத்தில் நடித்து வருகிறார். இந்த படத்தில் டிம்பிள் ஹயாதி கதாநாயகியாக நடிக்கிறார். மேலும் யோகிபாபு, துளசி, மாரிமுத்து, பாபுராஜ் உள்ளிட்ட பலர் முக்கிய கதாபாத்திரங்களில் நடிக்கின்றனர்.
விஷால் தனது பிலிம் பேக்டரி நிறுவனம் மூலம் தயாரிக்கும் இந்த படத்திற்கு யுவன் சங்கர் ராஜா இசையமைக்கிறார். இந்த படத்தின் படப்பிடிப்பு ஹைதராபாத்தில் நடைபெற்று வந்தது. இந்நிலையில் இன்று சென்னையில் விஷால் 31 படத்தின் இறுதிகட்ட படப்பிடிப்பு தொடங்கப்பட்டுள்ளதாக தகவல் வெளியாகியுள்ளது. விரைவில் இந்த படத்தின் அடுத்தடுத்த அப்டேட்டுகள் வெளியாகும் என ரசிகர்கள் ஆவலுடன் எதிர்ப்பார்த்துக் கொண்டிருக்கின்றனர்.