பிரபல மருந்து கடையில்…. மர்ம நபர்களின் கைவரிசை…. வலைவீசி தேடும் காவல்துறையினர்….!!

மருந்துக் கடையின் பூட்டை உடைத்து மர்ம நபர்கள் பணத்தை திருடிச் சென்றுள்ளனர்.

புதுக்கோட்டை மாவட்டம் பிருந்தாவனம் பகுதியில் பிரபல மருந்து கடை செயல்பட்டு வருகின்றது. இந்நிலையில் ஊழியர்கள் வியாபாரம் முடிந்தவுடன் கடையை பூட்டிவிட்டு வீட்டுக்கு சென்றுள்ளனர். இதனையடுத்து காலை மீண்டும் ஊழியர்கள் மருந்து கடைக்கு வந்தபோது கதவு உடைக்கப்பட்டிருந்ததை கண்டு அதிர்ச்சி அடைந்துள்ளனர். அதன் பின் உள்ளே சென்று பார்த்த ஊழியர்கள் கல்லாப் பெட்டியில் இருந்து 35 ஆயிரம் ரூபாய் பணம் திருடப்பட்டிருப்பதை அறிந்துள்ளனர்.

இது குறித்து ஊழியர்கள் புதுக்கோட்டை காவல் நிலையத்தில் புகார் அளித்துள்ளனர். அந்த புகாரின் பேரில் சம்பவ இடத்திற்கு விரைந்து சென்ற காவல்துறையினர் மருந்து கடையில் உள்ள கண்காணிப்பு கேமராவில் பதிவான காட்சிகளை பார்த்துள்ளனர். அப்போது கேமராக்களில் பதிவான காட்சிகள் மூலம் மர்ம நபர்கள் பணத்தை திருடிச் சென்றது காவல்துறையினருக்கு தெரியவந்துள்ளது. இதுகுறித்து வழக்குப்பதிவு செய்த காவல்துறையினர் மர்ம நபர்களை வலைவீசி தேடி வருகின்றனர்.