தமிழகத்தில் கொரோனா பரவல் காரணமாக பள்ளிகள் திறக்கப்படாமல் உள்ளது. மாணவர்களும் வீட்டிலிருந்தபடியே ஆன்லைன் வழியாக படித்து வருகின்றனர். இதற்கு மத்தியில் கொரோனா பரவல் குறைந்துள்ளதால் பள்ளிகள் எப்போது திறக்கப்படும் என்று பெற்றோர்களிடையே எதிர்பார்க்கப்பட்டு வருகிறது.
இந்நிலையில் 9 முதல் 12 வகுப்பு வரை 50% மாணவர்களுடன் செப்டம்பர் 1-ஆம் தேதி முதல் பள்ளிகளை திறக்க தமிழக அரசு முடிவு செய்துள்ளது. இந்நிலையில் தமிழகத்தில் கட்டுப்பாடு பகுதிகளில் பள்ளிகளை திறக்க கூடாது என்று அரசு உத்தரவிட்டுள்ளது. மேலும் கட்டுபாட்டு பகுதிகளில் உள்ள மாணவர்கள், ஆசிரியர்கள், அலுவலர்கள் பள்ளிக்கு வர அனுமதி இல்லை எனவும் கூறியுள்ளது. மற்ற மாணவர்கள் நேரடியாக பள்ளிக்கு விருப்பம் இருந்தால் வரலாம் கட்டாயம் கிடையாது எனவும் தெரிவிக்கப்பட்டுள்ளது.