பிரபு தேவாவின் அடுத்த படத்தை பிரபல பாடலாசிரியர் பா.விஜய் இயக்க இருக்கிறார்.
தமிழ் திரையுலகில் நடன இயக்குனராகவும், நடிகராகவும், இயக்குனராகவும் வலம் வருபவர் பிரபு தேவா. இவர் நடிப்பில் உருவாகியுள்ள பொன் மாணிக்கவேல், பஹீரா, யங் மங் சங் ஆகிய படங்கள் ரிலீஸுக்கு தயாராகி வருகிறது. மேலும் இவர் பொய்க்கால் குதிரை, மை டியர் பூதம், பிளாஷ்பேக் போன்ற படங்களில் நடித்து வருகிறார். இந்நிலையில் பிரபு தேவாவின் அடுத்த படத்தை பிரபல பாடலாசிரியர் பா.விஜய் இயக்க இருப்பதாக தகவல் வெளியாகியுள்ளது.
இந்த படத்தில் மஹிமா நம்பியார் கதாநாயகியாக நடிக்கிறார் . மேலும் அர்ஜய், கலையரசன் உள்ளிட்டோர் முக்கிய கதாபாத்திரங்களில் நடிக்கின்றனர். எம்.எஸ் மூவிஸ் தயாரிக்கும் இந்த படத்திற்கு கணேசன் இசையமைக்கிறார். இன்று இந்த படத்தின் படப்பிடிப்பு பூஜையுடன் தொடங்கப்பட்டுள்ளது.