தமிழகத்தில் முதல்வர் ஸ்டாலின் தலைமையிலான அரசு மிக சிறப்பாக செயல்பட்டு வருகிறது. கொரோனா பேரிடர் காலத்தில் மக்களுக்கு வேண்டிய அனைத்து நலத்திட்ட உதவிகளையும் முதல்வர் செய்து வருகிறார். அது மட்டுமல்லாமல் பள்ளி மற்றும் கல்லூரி மாணவர்களின் நலனை கருத்தில் கொண்டு அவர்களுக்கு வேண்டிய அனைத்தையும் செய்து வருகிறார். மேலும் அனைத்து துறைகளிலும் பல மாற்றங்களும் செய்யப்பட்டு வருகின்றன. இது மக்கள் மத்தியில் நல்ல வரவேற்ப்பை பெற்றுள்ளது.
இந்நிலையில் தமிழகத்தில் 58 ஆயிரம் அரசு மற்றும் அரசு உதவி பெறும் பள்ளிகள் நிதி நிலைக்கு ஏற்ப மத்திய மாநில அரசுகளின் நிதி உதவியோடு நவீனமயமாக்கபடும் என அமைச்சர் அன்பில் மகேஷ் தெரிவித்துள்ளார். 120 கல்வி மாவட்டங்களில் மாதிரி பள்ளி கொண்டு வரவேண்டும் என நிதி அமைச்சரிடம் வலியுறுத்தியுள்ளோம். மேலும் பள்ளி கல்வித்துறையின் மாணவர்கள் வளர்ச்சிக்கான திட்டங்கள் குறித்து கூட்டத்தொடரில் முதல்வர் அறிவிப்பார் என்று அவர் கூறியுள்ளார்.