ரவுடியான வாலிபரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள கோவில்பட்டி பகுதியில் காவல்துறையினர் ரோந்து பணியில் ஈடுபட்டிருந்தனர். அப்போது காவல்துறையினர் சந்தேகப்படும் படியாக கோவிலின் அருகில் நின்றுகொண்டிருந்த வாலிபரை அழைத்து சோதனை செய்ததில் அவர் அரிவாளை மறைத்து வைத்திருப்பதை கண்டு பிடித்துள்ளனர். இதனையடுத்து காவல்துறையினர் அந்த வாலிபரிடம் நடத்திய விசாரணையில் அவர் அதே பகுதியில் வசிக்கும் ராஜதுரை என்பது தெரியவந்துள்ளது.
இதனையடுத்து ராஜதுரை அப்பகுதியில் நடந்து சென்ற ஒருவரை அரிவாளால் வெட்டி கொலை செய்ய முயற்சி செய்ததும் தெரிய வந்துள்ளது. மேலும் இச்சம்பவம் குறித்து வழக்குப்பதிவு செய்த காவல்துறையினர் ஏற்கனவே ராஜதுரையின் மீது பல்வேறு காவல் நிலையங்களில் கொலை முயற்சி, மிரட்டல் போன்ற வழக்குகள் நிலுவையில் இருப்பது, இவரின் பெயர் ரவுடி பட்டியில் உள்ளதும் தெரியவந்துள்ளது. இதனால் காவல்துறையினர் அவரை கைது செய்து சிறையில் அடைத்து விட்டனர்.