சுவிட்சர்லாந்தை சேர்ந்த பெண் ஒருவர் தாய்லாந்துக்கு சுற்றுலா சென்றிருந்த நிலையில் அங்கு ஆடைகளின்றி சடலமாக கண்டெடுக்கப்பட்ட சம்பவம் அதிர்ச்சியை ஏற்படுத்தியுள்ளது.
கடந்த ஜூலை மாதம் 13-ஆம் தேதி சுவிட்சர்லாந்து நாட்டை சேர்ந்த Nicole Sauvain-Weisskopf ( 57 ) எனும் பெண் சுற்றுலாவுக்காக தாய்லாந்து சென்றுள்ளார். அதன்பிறகு கடந்த செவ்வாய்க்கிழமை அன்று அந்தப் பெண் கடற்கரையை நோக்கி சென்றதாக கூறப்படுகிறது. ஆனால் Nicole Sauvain-Weisskopf இரண்டு நாட்களுக்கு முன்பு தார்ப்பாய் ஒன்றினால் மூடப்பட்ட நிலையில், இடுப்புக்கு கீழே ஆடை இல்லாமல் நீரோடையில் சடலமாக கிடந்துள்ளார். அதோடு மட்டுமில்லாமல் அந்தப் பெண்ணுடைய ஷூக்கள், கால்சட்டை, உள்ளாடை மற்றும் அவரது செல்போன் உள்ளிட்டவை சற்று தொலைவில் கிடந்துள்ளது. மேலும் அந்த பெண்ணிடமிருந்து சில பொருட்கள் மற்றும் பணம் உள்ளிட்டவை திருடப்பட்டதாக கூறப்படுகிறது.
இதற்கிடையே காவல்துறையினர் அந்தப் பெண் இறந்து மூன்று நாட்கள் ஆகியிருக்கலாம், அவர் பாலியல் வன்கொடுமை செய்யப்பட்டிருக்கலாம் என்றும் தெரிவித்துள்ளனர். இந்த நிலையில் காவல்துறையினர் 27 வயது இளைஞர் ஒருவரை இந்த சம்பவம் தொடர்பில் சந்தேகத்தின் பேரில் கைது செய்துள்ளனர். மேலும் அந்த நபர் சம்பவம் நடந்த இடத்தில் இருந்த சிசிடிவி கேமராவில் பதிவாகியிருந்ததாகவும் கூறப்படுகிறது.
