கால்நடை சந்தையில் ஏராளமான மாடுகள் விற்பனையாகியுள்ளன.
ஈரோடு மாவட்டம் அந்தியூர் பகுதியில் கால்நடைச் சந்தை கூடியுள்ளது. இதற்காக மேட்டூர், கொளத்தூர், பண்ணவாடி, எடப்பாடி உள்ளிட்ட பல்வேறு பகுதியிலிருந்து கால்நடைகள் பிடித்து வரப்பட்டுள்ளது. இதனையடுத்து காங்கேயம் காளை 85 ஆயிரம் ரூபாய்க்கும், கொங்கு காளை 70 ஆயிரம் ரூபாய்க்கும், நாட்டுப்பசு 30 ஆயிரம் ரூபாய்க்கும் விற்பனையாகி உள்ளது.
மேலும் ஜெர்சி பசு 35 ஆயிரம் ரூபாய்க்கும், சிந்து பசு 20 ஆயிரம் ரூபாய்க்கும், கன்று குட்டிகள் 15 ஆயிரம் ரூபாய்க்கும் விற்பனையானது. இதில் ஈரோடு, திருப்பூர், பொள்ளாச்சி, மேட்டுப்பாளையம், கோயம்புத்தூர் உள்ளிட்ட பல்வேறு பகுதிகளில் இருந்து வந்த வியாபாரிகள் ஏராளமான கால்நடைகளை பிடித்துச் சென்றுள்ளனர்.