மோட்டார் சைக்கிள் லாரியின் பின்புறம் மோதிய விபத்தில் தையல் தொழிலாளி உயிரிழந்த சம்பவம் சோகத்தை ஏற்படுத்தியுள்ளது.
திருப்பூர் மாவட்டத்திலுள்ள தாராபுரம் பகுதியில் பொன்னுசாமி என்பவர் வசித்து வருகிறார். இவருக்கு அரவிந்தசாமி என்ற மகன் இருந்துள்ளார். இவர் தையல் தைத்து தொழில் நடத்தி வருகிறார். இந்நிலையில் அரவிந்தசாமி மண்டல புதூரில் உள்ள தனது பெரியப்பாவான சின்னசாமி என்பவரது வீட்டிற்கு சென்று விட்டு மோட்டார் சைக்கிளில் இரவு நேரத்தில் வீட்டிற்கு திரும்பி சென்று கொண்டிருந்தார். இதனையடுத்து அரவிந்தசாமி சோமனூர் கோழிப்பண்ணை அருகே சென்று கொண்டிருந்தபோது அவருக்கு முன் சென்று கொண்டிருந்த லாரியின் பின்புறம் எதிர்பாராதவிதமாக மோதினார்.
இந்த விபத்தில் அரவிந்தசாமி பலத்த காயமடைந்தார். இதனைப் பார்த்த அருகிலுள்ளவர்கள் அரவிந்தசாமியை உடனடியாக மீட்டு தாராபுரம் அரசு மருத்துவமனையில் சிகிச்சைக்காக அனுமதித்தனர். ஆனால் அரவிந்தசாமியை பரிசோதனை செய்த மருத்துவர்கள் அவர் ஏற்கனவே இறந்ததாக தெரிவித்துள்ளனர். மேலும் இதுகுறித்து வழக்குப்பதிவு செய்த காவல்துறையினர் விசாரணை நடத்தி வருகின்றனர்.