தொழிலாளியை தாக்கிய வாலிபரை காவல்துறையினர் கைது செய்துள்ளனர்.
விருதுநகர் மாவட்டத்தில் உள்ள அல்லம்பட்டி பாரதி நகரில் கட்டிட தொழிலாளியான பாண்டியராஜன் என்பவர் வசித்து வருகிறார். அதே பகுதியில் கூலி தொழிலாளியான நடராஜன் என்பவரும் வசித்து வருகிறார். இவர்கள் இருவருக்கும் இடையே அடிக்கடி தகராறு ஏற்பட்டு வந்துள்ளது. இந்நிலையில் கடந்த ஆகஸ்ட் 11 – ஆம் தேதியன்று வேலைக்கு சென்று வீடு திரும்பிய நடராஜன் பாண்டியராஜனிடம் தகராறு செய்துள்ளார்.
அப்போது நடராஜன் மது பாட்டிலால் பாண்டியராஜனை சரமாரியாக தாக்கியுள்ளார். இதனை பார்த்ததும் அருகில் உள்ளவர்கள் படுகாயமடைந்த பாண்டியராஜனை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். இதனை அடுத்து பாண்டியராஜன் காவல் நிலையத்திற்கு சென்று நடராஜர் மீது புகார் அளித்துள்ளார். அந்தப் புகாரின் பேரில் வழக்குப்பதிவு செய்த காவல்துறையினர் நடராஜனை கைது செய்து தீவிர விசாரணை மேற்கொண்டு வருகின்றனர்.